Хабарландыру

Мектеп адресі

Нұр-Сұлтан қаласы Мәңгілік Ел 22/1  

Жүргізу бағыттары

Мектеп жайлы


Астана қаласы Білім басқармасы«№ 77 мектеп-гимназия» мемлекеттік мекемесі 2015 жылдың 1 қыркүйегінде Астана қаласы әкімдігінің қаулысымен ашылды. Қайталанбас сәулетімен халықтың көз қуанышы боларлық мүсіндері және ғимараттары бой көтерген «Есіл» ауданы, Мәңгілік Ел көшесі,22/1 мекен-жайында орналасқан. Мектепті ашылған күннен бастап білгір де білікті басшы «Тәуелсіздік» медалінің иегері Байменова Гүлжамал Пердебаевна басқарып келеді. Мектеп-гимназияның жобалық қуаты 1200 оқушыға арналған. Қазіргі таңда 1200 оқушы білім алу үстінде. Оқыту тілі - мемлекеттік тіл. Мектеп-гимназия ағылшын тілі, қазақ тілдерін тереңдетіп оқытады. Мектеп 2 ауысым бойынша жұмыс істейді. Мектепте 2 компьютерлік кабинет, 6 лингафондық кабинет, 6 мультимедиалық-интерактивті кабинеті, 2 физика кабинеті, 2 химия кабинеті, 2 биология кабинеті, 1 спорт залы, 360 орындық акт залы, хореографиялық зал, футбол, баскетбол алаңдары бар. Оқушыларды білім нәрімен сусындату жолында 80 ұстаз еңбек етуде: жоғары білімді-67, орта кәсіптік-13; жоғары санатты-9, бірінші санатты-13, екінші санатты-14, санаты жоқ 34 мұғалім.

Жыл сайын мұғалімдер білімдерін жетілдіру курстарынан өтеді, білімдерін шыңдайды. Қазақстан Республикасының педагог қызметкерлерінің біліктілігін арттыру аясында «НЗМ ПШО» және «Өрлеу» орталығының деңгейлік курсын 15 мұғалім бітірген. Оның ішінде: І (ілгері) деңгей-2, ІІ (негізгі) деңгей-3, ІІІ (базалық) деңгей -10 мұғалім.

Білім беру мазмұнын жаңарту бойынша 35 педагог біліктілігін арттырды. Мектеп-гимназия мұғалімдерінің жетістіктері қуантарлық. Қалалық жас мамандар «Жас маман–2016» байқауында бастауыш сынып мұғалімі Калдыбекова Сабина Жолтынбекқызы 1 орынды иеленді.

Мектеп өзінің жұмысын оқушыларды ғылым негіздерін игеруге баулудан бастады. Осы бағытта Л.Н.Гумилев атындағы Еуразия Ұлттық университетінің оқытушылары, профессорларымен жиі-жиі басқосулар өткізеді. 2015 жылы желтоқсанда «Алаш ардақтылары және Мәңгілік ел мұраты», 2016 жылы «Азаттық идеясы:Тәуелсіздікжәне ұрпақтар сабақтастығы» тақырыбында аталмыш университеттің бір топ ғалымдары мен қала мұғалімдері, мектеп оқушылары арасында конференция өткізді.үстіміздегі оқу жылында мектеп оқушылары алаш әдебиеті, алаш тарихы бойынша ЕНУ профессорларынан дәріс алып, ғылыми жобалар жазуды үйренді.

Мектебімізде 2015 жылы «Жасұлан» бірыңғай балалар мен жасөспірімдер ұйымы Республикалық қоғамдық бірлестігіне мектеп оқушылары алғашқы мүшелікке қабылданып, балалар ұйымының негізі қаланды.Қазіргі таңда балалар ұйымы нәтижелі жұмыс істеп келеді.

Гимназияның озат та белсенді оқушылары өте көп. Олар мектеп өмірін қызықты да сапалы өткізу үшін түрлі олимпиадаларға, мектепішілік, мектептен тыс іс-шараларға, қашықтық білім сынақтарына бар ынта-жігерлерімен қатысып, жүлделі орындарды иеленуде. Мектепте оқушылар арасында «Жыл үздігі», «Жыл оқушысы», «Жыл белсендісі», «Тіл шебері» байқаулары ұйымдастырылады.

2015-2016 жылдары мектеп оқушылары Австрия, Германия, Францияға барып, математика, ағылшын тілі пәндерінен халықаралық олимпиадалардан жүлделі І, ІІ, ІІІ орындармен оралды.

Мектебіміздің оқушылары қазақ тілі, тарих, ағылшын тілі, орыс тілі, математика,биология пәндері бойынша олимпиадалардан, түрлі қалалық, республикалық байқаулардан озып шығып, ерекше қырларынан танылды.

Үстіміздегі жылы мектеп тарихында 11-сыныптар алғашқы бітірушілер болмақ. Олар да мектепті 2 «Алтын медаль» иегері, 2 оқу үздігі, 12 оқу екпінділерімен табысты аяқтамақ.

Мектепте футбол, баскетбол, би, каратэ-до, хор, шешендік өнер, тілшілер үйірмесімен қатар ұлттық аспаптар ансамблі, пікірсайыс клубы жұмыс істейді.
Мектептің ата-аналар ұжымы да өте ұйымшыл. Мектеп өткізген барлық іс-шараларға белсене қатысып, бала тәрбиесінде ұстаздармен бірге екендіктерін көрсетуде.

ЕЛБАСЫ ЖОЛДАУЫ

ЕЛБАСЫ ЖОЛДАУЫ

Мектеп директоры

СІЛТЕМЕЛЕР

astana