Астана қаласы №77 мектеп-гимназиясының жылдық жоспары бойынша бекітілген бастауыш сыныптардың 19.02.18-02.03.18  уақыт аралығында өткізілетін онкүндігі жоспарлы түрде өтті. 19.02 күні мектебіміздің акт залында онкүндіктің салтанатты ашылуы өтті. Ашылу салтанаты жақсы деңгейде өтті. Оған бастауыш сыныптардың 1, 3-4 сынып мұғалімдері жауап беріп, оқушыларды қатыстыра отырып өткізді. Бастауыш сынып мұғалімдері өз үлестерін қоса білді, онкүндіктің өтіуіне ат салысты. Ашылуынан кейін әр мұғалім жоспар бойынша ашық сабақтарын өткізді. 19.02 күні апталықты 4-сынып мұғалімдері бастаған ретпен бірінен соң бірі жүргізіп отырды. 22.02 күні 3-сыныптардың «Дарабоз» атты сыныптан тыс іс-шарасы өтті. Оған Қайырғалиев Берік Сатыбалдыұлы өз деңгейінде өткізді. 23.02 күні 4-сыныптардың «Жақсыдан үйрен, жаманнан жирен» атты тәрбие сағаты өтті. Оған 4 «Б» сынып мұғалімі Абдиева Айжан Сапарбекқызы жауап беріп, жоғары деңгейде өткізді. 01.03 күні 1-сыныптар арасында «Жүзден жүйрік» атты спорттық іс-шарасы өтті. Оны 1-сынып мұғалімдері жоғары деңгейде өткізе алды. Және 02.03 күні 2-сыныптардың «Ақ бүршік жарған, қош келдің, Көктем» атты тәрбие сағаты мен жабылу салтанаты жоғары деңгейде өтті. Ашық сабақтар мен сыныптан тыс іс-шараларға мектебіміздің әкімшілігі қатысты. Әр сабаққа қатысу барысында мұғалімдердің өткізген сабағына байланысты талдау жұмыстары жасалды. Бастауыш сыныптың екі мұғаліміне ашық сабақты екінші рет қайта өткізуге рұқсат етілді. Әр ашық сабақтан кейін талдау жұмыстары жүргізілді. Талдау барысында мұғалімдердің жетістіктері ескеріліп, ұсыныстар берілді. Бастауыш сыныптар бойынша өткізілген онкүндік өте жақсы деңгейінде өтті.