Ф. Оңғарсынова атындағы 77 мектеп—гимназияның қазақ тілі мен әдебиеті бірлестігі 15.04.24 күні "Тілін білген Ахмет, Абайым да, Ана тілім, күмбірле сарайымда!" атты онкүндігінің ашылу салтанатында елдегі апатты ахуалға байланысты күмбірлеген күй тартып, әуелетіп ән салмады, бірақ дүйсенбінің таңында білім алушылардың, ата—аналар мен мектеп ұжымының көңілдерін бір серпілтетін танымдық ойындар өткізіп, бауырсақ, тәттілер мен құрт таратты. Ұлттық "Бестемше" ойынын көрсетіп, Ұлттық мұрағат ұсынған 100 кітапты таныстырды. Ашылу салтанатына мектеп әкімшілігі, әдістемелік бірлестік жетекшілері, ата—аналар өкілдері мен оқушылар, педагогтер белсене қатысты.
